Die Vaalboom kan ligte ryp hanteer en is matig droogtebestand. Dit is 'n bladwisselende boom met grys-groen blare en'n netjiese regop voorkoms, somtyds met verdeelde krone. Terminalia sericea dra oorvloedige rooibruin vrugte wat lank aan die boom hang. Dit is egter moeilik om lewensvatbare saad in die hande te kry, met die gevolg dat die boom maar skaars in die handel is. Die Vaalboom word nie uitermatig groot nie en het ook nie 'n aggressiewe wortelstelsel nie. Dit benodig egter goed gedreineerde grond. Ons ervaring is dat Terminalia sericea goed in 'n houer aard.