Peltophorum africanum | Huilboom te koop

Die Huilboom kan kan matige ryp weerstaan en is ook redelik droogtebestand.  Dit is 'n bladwisselende boom wat teen 'n middelmatige tempo groei. Peltophorum africanum se blare lyk baie soos die van 'n Jakaranda. Die boom dra trosse pragtige heldergeel  blomme, somtyds in oorvloed. Huilboom se natuurlike groeiwyse (en dus sy stam en takstruktuur) is "informeel". Dit maak die boom 'n interesante keuse vir die groter tuin. Peltophorum africanum se wortelstelsel is nie baie aggressief nie. Die boom reageer goed op snoei en aard uitstekend in 'n houer. Lg is die ideale oplossing vir 'n klein tuin. Huilboom is 'n gewilde bonsai.