Loxostylis alata | Teerhout boom te koop

Die Teerhoutboom is 'n onontdekte juweel. Loxostylis alata is 'n immergroen, vinnige groeier. Dit groei tot n middelmatig-klein grootte - ideaal vir die kleiner tuin. Teerhout het pragtige saamgestelde blare wat rooi vertoon wanneer hulle bot. Verder dra die boom oordadige wit blommetrosse, wat gou in rooi vrugte ontwikkel. Lg. bly lank op die boom en verkleur later na roomwit. Die sade van Loxostylis alata het 'n teeragtige omhulsel - vandaar die volksnaam naam "Teerhout".  Volgens ons ervaring by die Treeshop kwekery, kan dit tot -1C hanteer.