Leocosidea sericea | Ouhout boom te koop

Ouhout is 'n uiters geharde boom. Dit weerstaan winter temperature so laag as -6 grade Celsius.  Die natuurlike groeiwyse van die boom is informeel, met laag-hangende takke. Dit is gevolglik 'n uitstekende skermboom vir die groot tuin. U kan dit opsnoei om 'n stam te vorm en sodoende die boom dwing om sy kroon hoër te vorm. Leocosidea sericea het 'n enkelsaamgestelsde twee kleur blaar -donkergroen bo en grysgroen onder. Dit dra saamgestelde geel blommetjies wat talle insekte lok. Die boom se stam en takke vertoon gou-gou oud en verweerd - vandaar die Afrikaanse volksnaam "Ouhout".