Die Kleinkoraalboom is matig rypbestand en ook ietwat droogtebestand. Dit is 'n klein, kompakte, bladwisselende boom wat gekenmerk word aan sy pragtige, groot, dieprooi blomme. Erythrina humeana kan twee tot selfs drie maal per seisoen blom. Wanneer die peulvrugte van die boom oopsplit vertoon dit helderrooi sade. Die Kleinkoraalboom     -ook bekend as Dwergkoraal- se wortelstelsel is gladnie aggressief nie. Die boom word nie groot nie en is dus 'n uitstekende keuse vir die klein tuin. Erythrina humeana aard goed in 'n houer en reageer ook gunstig op snoei.