Englerophtum magalismontanum | Stamvrug boom te koop

Stamvrug kan matige ryp weerstaan en is matig droogtebestand.  Dit is 'n immergroen boom  wat ongelukkig maar stadig groei. Englerophytum magalismontanum dra heerlike eetbare vrugte aan sy stam - vandaar die naam. Die kleur van die bo en onderkant van die blare verskil beduidend, wat die boom besonder aantreklik maak. Stamvrug se wortelstelsel is nie aggressief nie en die boom word ook nie groot nie. Dit is dus 'n ideale kandidaat vir die klein tuin. Die boom aard verder ook goed 'n houer. Stamvrug is 'n wenner wat nog nie sy plek in die mark gevind het nie - moontlik omdat dit skaars in die natuur is en feitelik onbeskikbaar is in die kwekeryhandel.