Dracaena mannii | Kleinblaardrakeboom te koop

Kleinblaardrakeboom het 'n interessante multi-stam groeiwyse. Die boom se vorm en sy lang, smal, donkergroen blare bied iets buitegewoon aan die tuinier. Dracaena mannii is immergroen, groei middelmatig-vinnig en is effens koudgevoelig. Die boom word nie baie groot nie, maar het wel 'n effens agressiewe wortelstelsel. Dit groei ook in klei-agtige grond. Die boom dra mooi, geurige blomme wat ontwikkel in helder oranje vrugte. Laasgenoemde bly lank aan die boom. Kleinblaardrakeboom reageer goed op snoei en  kan in 'n groot pot geplant word.