Cussonia transvaalensis | Vaalkiepersol boom te koop

Transvaalkiepersol (ook Vaalkiepersol) is die mooiste van al die kiepersol spesies. Die grys-blou blare van Cussonia transvaalensis  is diep gekartel met 2-4 nodes. Daar kan tot 6 blaartjies uit elke node groei, wat die boom werklik uniek maak. Transvaalkiepersol is besonder skaars en kom plek-plek in die Waterberg voor. Dit is een van die kleiner kiepersol spesies maar het, soos al die ander spesies in die familie, ‘n agressiewe wortelstelsel. Cussonia transvaalensis is immergroen, uiters droogtebestand en aard goed in ‘n houer. Maak egter seker dat die houer goed dreineer en gee water met oorleg om te keer dat die boom wortelvrot kry.