Acacia (Vachellia) xanthophloea | Koorsboom te koop

Die genusnaam het verander van Acacia na Vachellia toe. Vachellia xanthophloea kan ligte ryp weerstaan maar is nie droogtebestand nie.  Koorsboom is 'n bladwisselende doringboom wat baie vinnig groei. Die boom gee halfskadu en u kan dus ander plante daaronder plant. Acacia xanthophloea vertoon 'n pragtige geel-groen stam en takke. Aanplanting van die boom in 'n groep is 'n treffende gesig. Koorsboom word baie groot en kan dus net in groot tuine geplant word. Ongelukkig aard die boom nie in 'n houer nie, en bied hierdie metode nie die oplossing vir klein tuine nie. A xanthophloea het 'n aggressiewe wortelstelsel en benodig heelwat water.